بديت باسم اللي به الناس تبـدا
فـردٍ صمـد وكلنـا طايعينـه
الواحد المعبـود مـا يـوم ردا
سبحانه اللي دايـم امسبحينـه
انا طلبـت الله جمعـا وفـردا
من خاطرٍ فيه المحبـه دفينـه
تحفظ بلاد الخير في كـل حـدا
من ربعنا الغالي ليا اقصى مدينه
يا هاجسي قم بعدهـا واستعـدا
عطني بيوت منتقـاه وثمينـه
في مدح قـومٍ للمعالـي تـودا
تاريخهم معـروف ومسجلينـه
اهل القنا والخيل ذا الوقت شدا
واهل المراجل والعقول الفطينه
ساس الكرم والجود ابا وجـدا
الطيـب منبعهـم ومتوارثينـه
والصيعري مده ماهـوب مـدا
كريم يمنـى والعطايـا سمينـه
الضيف لا من جاه لا ما تردى
يفرح بضيفانه ويكـرم عوينـه
ويدخن الضيفان عـودا ونـدا
طلق الحجاج وسعد منهو زبينه
مدات يده كنهـا سيـل عـدى
واسقى ديارٍ نبتهـا زارعينـه
صغيرهم لا ما رقى المجد قـدا
يرقى القمم ما يوم ذاق الغبينـه
الصيعري في الجود نجمٍ تعـدا
كل النجوم اللي يسـار ويمينـه
فوق الثريا شيد اهنـاك مجـدا
كاس المراجل والوفاء ماخذينـه